Softuer për klinika dentare dhe ordinanca E gjithë klinika juaj. Një platformë.

DigiDent cakton terminin, shënon çdo dhëmb sipërfaqe pas sipërfaqeje, printon terapinë dhe e kthen vizitën në faturë. Gjithçka që ju duhet për punën e ditës e keni në një vend.

Rezervoni një demo falas Shihni si funksionon
  • 14 ditë falas, pa tarifë konfigurimi
  • Qasje sipas rolit
  • Pa asnjë instalim
Paneli i DigiDent: terminet e sotme, faturat e papaguara, të ardhurat e muajit dhe kontrollet që duhen bërë

Një ditë në klinikë

Nga termini te fatura e paguar

Recepsioni, mjekët dhe pronari i klinikës punojnë në të njëjtën platformë. Çdo hap vazhdon aty ku mbaroi i mëparshmi, ndaj asgjë nuk shkruhet dy herë.

  1. 1

    Caktoni terminin

    Një kalendar për të gjithë mjekët, sipas ditës, javës ose muajit. Pacientët e sotëm janë në panel dhe vizitën e filloni me një klik.

    • Terminet e të gjithë mjekëve në një pamje
    • Të planifikuara, të konfirmuara dhe të përfunduara, me një shikim
    • Çdo ditë, lista e pacientëve që duhen telefonuar për nesër
    Kalendari i DigiDent: një javë terminesh për të gjithë mjekët, me statusin e tyre

  2. 2

    Shënoni çdo dhëmb, sipërfaqe pas sipërfaqeje

    Kartela është ndërtuar nga fotografi reale të dhëmbëve. Hapni një dhëmb, zgjidhni sipërfaqet (meziale, distale, okluzale, bukale ose linguale) dhe regjistroni mbushjen, kurorën ose kariesin. Ngjyra shfaqet pikërisht aty ku zgjodhët.

    • Të dyja nofullat në një pamje, ose secila veç e veç
    • Pamja bukale, linguale dhe okluzale e çdo dhëmbi
    • Historia dhe radiografitë e çdo dhëmbi, vizitë pas vizite
    Kartela dentare elektronike e DigiDent: të dyja nofullat në fotografi reale, me trajtimet të shënuara në dhëmbë
    Dhëmbi 36 në DigiDent: mbushja e shënuar në sipërfaqet meziale dhe okluzale

  3. 3

    Shkruani terapinë

    Shtoni medikamentin gjatë vizitës dhe printojeni terapinë në fletën e klinikës suaj, me logon, vendin për vulë dhe vijën për nënshkrim.

    • Doza, shpeshtësia, kohëzgjatja dhe udhëzimet
    • Logoja dhe ngjyra juaj, të vendosura një herë te Cilësimet
    • Çdo terapi ruhet në kartelën e pacientit
    Një terapi e printuar nga DigiDent, me logon e klinikës, vendin për vulë dhe nënshkrimin e mjekut

  4. 4

    Përfundoni vizitën

    Kur e mbyllni vizitën, shërbimet e saj janë gati për faturim. DigiDent sugjeron kontrollin e radhës dhe mund ta krijojë faturën në të njëjtin hap.

    • Shërbimet sugjerohen nga ajo që u shënua në kartelë
    • Kontrolli i radhës i sugjeruar, p.sh. pas 6 muajsh
    • Fatura krijohet sapo mbyllet vizita
    Përfundimi i vizitës në DigiDent: shërbimet, kontrolli i sugjeruar pas 6 muajsh dhe fatura e krijuar në të njëjtin hap

  5. 5

    Arkëtoni pagesën

    Çdo faturë tregon shërbimet, çdo pagesë dhe balancën e mbetur. Regjistroni pagesa të plota ose me këste dhe printojeni faturën për pacientin.

    • E paguar, e paguar pjesërisht apo e papaguar, secila me etiketën e vet
    • Çdo pagesë me mënyrën e pagesës dhe referencën
    • Raportet e të ardhurave sipas shërbimit dhe sipas mjekut
    Një faturë e paguar në DigiDent për një mbushje €25, me progresin e pagesës 100%

Veçoritë

Gjithçka rreth vizitës

Një platformë për menaxhimin e klinikës dentare: mjetet që recepsioni, mjekët dhe pronari i klinikës përdorin çdo ditë.

Kontrollet në kohë

Kur mbaron vizita, DigiDent sugjeron kontrollin e radhës. Çdo ditë, recepsioni merr një listë me terminet e nesërme dhe kontrollet që duhen bërë, dhe e shënon çdo pacient sapo e telefonon.

Qasje sipas rolit

Administratori i klinikës, mjeku dhe recepsionisti shohin secili atë që i duhet për punën e vet.

Radiografitë dhe fotot

Bashkëngjitni radiografitë dhe fotot te dhëmbi përkatës, në vizitën kur janë bërë.

Raportet

Të ardhurat sipas shërbimit dhe sipas mjekut, për këtë muaj, këtë vit ose periudhën që zgjidhni. Shkarkojini në CSV.

Planet e trajtimit

Planifikoni punën që e pret pacientin dhe ndiqeni derisa të përfundojë.

Shqip dhe anglisht

E gjithë platforma punon në të dyja gjuhët, dhe secili mund ta ndërrojë me një klik.

Si të filloni

Gati për punë, me ndihmën tonë

Nuk keni asgjë për të instaluar. Rezervoni një demo dhe ne e përgatisim klinikën tuaj bashkë me ju. Pastaj e përdorni DigiDent falas për 14 ditë, pa tarifë konfigurimi.

Rezervoni një demo falas
  1. 1

    Rezervoni një demo

    20 minuta. Ju tregojmë një ditë të plotë në klinikë, nga termini deri te fatura e paguar.

  2. 2

    E përgatisim klinikën tuaj

    Logoja, shërbimet dhe çmimet tuaja, gati para pacientit të parë.

  3. 3

    Ftoni ekipin

    Çdo mjek dhe recepsionist merr një email dhe e aktivizon llogarinë e vet.

  4. 4

    Filloni punën

    Shtoni pacientët kur vijnë. 14 ditët e para janë falas.

Çmimet

Çmime të thjeshta, me të gjitha veçoritë

Çdo plan përfshin të gjithë platformën. Provojeni falas për 14 ditë, pa tarifë konfigurimi.

Mujore Vjetore Kurseni deri në 14%
Ofertë lansimi

Bashkohuni deri më 31 dhjetor 2026 dhe merrni edhe 10% zbritje për vitin e parë, me pagesë mujore ose vjetore.

Zbritje 10%

Fillestar

€15/muaj

Për stomatologë që punojnë vetë dhe ordinanca të vogla.

  • 1 klinikë
  • 1 mjek i përfshirë
  • Pacientë pa kufi
  • Kartela dentare, terminet dhe faturat
  • Terapitë, kontrollet e radhës dhe raportet
  • +€5/muaj për çdo mjek shtesë, deri në 2 të tjerë
Rezervoni një demo falas

Profesional

€35/muaj

Për klinika me disa mjekë.

  • 1 klinikë
  • Deri në 4 mjekë të përfshirë
  • Pacientë pa kufi
  • Gjithçka nga plani Fillestar
  • +€5/muaj për çdo mjek shtesë
Rezervoni një demo falas

Enterprise

Me marrëveshje

Për klinika me 6 ose më shumë mjekë.

  • Gjithçka nga plani Profesional
  • Çmimi dhe konfigurimi sipas marrëveshjes
  • Trajnim për gjithë ekipin
  • Mbështetje me përparësi
Na kontaktoni

Pyetje të shpeshta

Çfarë duhet të dini para demos

Për stomatologë që punojnë vetë dhe për klinika me disa mjekë: çfarë është DigiDent dhe sa kushton, si e përgatisim klinikën tuaj, ku ruhen të dhënat dhe çfarë nuk bën.

Çfarë është DigiDent?

DigiDent është softuer për klinika dentare, i ndërtuar në Prishtinë për klinikat dhe ordinancat në Kosovë dhe Shqipëri. Cakton terminin, shënon çdo dhëmb sipërfaqe pas sipërfaqeje në fotografi reale, printon terapinë me logon e klinikës dhe e kthen vizitën e përfunduar në faturë. Punon në shqip dhe në anglisht, në shfletues, pa asnjë instalim, dhe kushton €15 në muaj, ose €12.99 në muaj me pagesë vjetore. DigiDent zhvillohet nga Spics Digital Marketing SH.P.K., kompani kosovare.

Sa kushton programi për klinikë dentare në muaj?

DigiDent kushton €15 në muaj me planin Fillestar, për 1 mjek, dhe €35 në muaj me planin Profesional, për deri në 4 mjekë. Me pagesë vjetore, planet kushtojnë përkatësisht €12.99 dhe €30 në muaj. Për klinikat me 6 ose më shumë mjekë, çmimin e planit Enterprise e caktojmë bashkë me ju. Çdo plan përfshin të gjitha veçoritë dhe pacientë pa kufi, dhe nuk ka tarifë konfigurimi.

A përshtatet programi për një ordinancë stomatologjike me një mjek?

Po, DigiDent përshtatet për një ordinancë stomatologjike me një mjek: plani Fillestar është për 1 mjek dhe kushton €15 në muaj, ose €12.99 në muaj me pagesë vjetore. Përfshin të gjitha veçoritë dhe pacientë pa kufi, dhe mund të shtoni deri në 2 mjekë të tjerë, nëse ju duhen, me €5 në muaj për secilin.

A ka tarifë konfigurimi dhe a mund ta provoj falas?

DigiDent nuk ka tarifë konfigurimi. Pas demos falas 20-minutëshe e përgatisim klinikën tuaj bashkë me ju, dhe 14 ditët e para janë falas.

A duhet ta instaloj programin në kompjuter?

Jo, nuk keni asgjë për të instaluar: DigiDent punon në shfletues. Klinikën e përgatisim bashkë me ju: logoja, shërbimet dhe çmimet tuaja, gati para pacientit të parë.

A mund ta përdorin DigiDent disa mjekë në të njëjtën klinikë?

Po, DigiDent mund ta përdorin disa mjekë në të njëjtën klinikë. Recepsionistët dhe administratori i klinikës i shohin terminet e të gjithë mjekëve në një kalendar, ndërsa secili mjek sheh terminet e veta. Plani Fillestar përfshin 1 mjek dhe mund të shtoni deri në 2 të tjerë, me €5 në muaj për secilin. Plani Profesional përfshin deri në 4 mjekë, ndërsa çdo mjek shtesë kushton €5 në muaj.

A kanë mjeku dhe recepsionisti qasje të ndryshme?

Po, mjeku dhe recepsionisti kanë qasje të ndryshme në DigiDent. Ka tre role: administratori i klinikës, mjeku dhe recepsionisti. Secili ka llogarinë e vet dhe sheh atë që i duhet për punë.

Çfarë ndodh me pacientët që i kam në Excel ose në fletore?

DigiDent nuk i importon pacientët nga Excel-i ose nga një softuer tjetër. Qofshin në Excel apo në fletore, pacientët i shtoni kur vijnë, dhe kartela e secilit plotësohet vizitë pas vizite. Shërbimet dhe çmimet tuaja i vendosim bashkë me ju para pacientit të parë, dhe administratori i klinikës mund t'i shkarkojë raportet e të ardhurave në CSV, që hapet në Excel.

Si ta digjitalizoj klinikën dentare me DigiDent?

DigiDent e digjitalizon klinikën dentare duke i sjellë në një platformë terminet, kartelën dentare, radiografitë, terapitë dhe faturat, dhe për të filluar ju duhet vetëm një kompjuter me shfletues. Pas një demoje falas 20-minutëshe, e përgatisim klinikën bashkë me ju: logoja, shërbimet dhe çmimet tuaja. Pastaj çdo mjek dhe recepsionist merr një email për ta aktivizuar llogarinë e vet, dhe pacientët i shtoni kur vijnë. 14 ditët e para janë falas.

A ka raporte dhe a mund t'i shkarkoj?

Po, DigiDent ka raporte për administratorin e klinikës: të ardhurat sipas shërbimit dhe sipas mjekut, për këtë muaj, këtë vit ose çdo periudhë që zgjidhni. Administratori i klinikës mund t'i shkarkojë në formatin CSV.

A është programi në shqip?

Po, e gjithë platforma DigiDent punon në shqip dhe në anglisht, dhe secili mund ta ndërrojë gjuhën me një klik.

A punon DigiDent për klinikat dentare në Shqipëri?

Po, DigiDent është bërë për klinikat dentare si në Kosovë, ashtu edhe në Shqipëri. Punon në shqip dhe në anglisht, dhe çmimet janë në euro. Marrëveshja e përpunimit të të dhënave ka edhe një pikë të veçantë për klinikat në Shqipëri, sipas Ligjit nr. 124/2024 për mbrojtjen e të dhënave personale.

Ku ruhen të dhënat e klinikës dhe të pacientëve?

DigiDent i ruan të dhënat në Bashkimin Evropian. Kartelat e pacientëve i takojnë klinikës, dhe DigiDent i përpunon vetëm në emër të saj dhe sipas udhëzimeve të saj. Kur mbaron kontrata, me kërkesë ia eksportojmë klinikës të dhënat e saj.

Kontakti

Rezervoni demon falas.

Na tregoni për klinikën tuaj dhe gjejmë një kohë për një demo 20-minutëshe, me një ditë të plotë pune në klinikë.

  • 14 ditë falas
  • Pa tarifë konfigurimi
  • E përgatisim klinikën tuaj bashkë me ju

Kërkoni një demo

Zgjat një minutë. Nuk ju kërkohen të dhëna pagese.

Përgjigjemi brenda një dite pune.

Të dhënat tuaja i përdorim vetëm për t'ju përgjigjur. Politika e privatësisë

Zgjidhni çfarë mund të ruajë digident.app në këtë pajisje. Zgjedhja juaj ruhet këtu për 6 muaj dhe mund ta ndryshoni në çdo kohë te „Cilësimet e cookies“, në fund të faqes.

Të domosdoshme

Kujtojnë gjuhën që zgjidhni dhe këtë zgjedhje, vetëm në këtë pajisje. Nuk dërgohen askund, as te ne. Nuk mund të fiken.

Gjithmonë aktive

Google Analytics, nga Google LLC (SHBA), mat vizitat: faqet që shikoni, sa qëndroni në to dhe si i përdorni, faqen nga e cila keni ardhur, pajisjen, gjuhën dhe vendndodhjen e përafërt (të nxjerrë nga adresa juaj IP). Funksionet e reklamimit janë të fikura dhe Google i mban të dhënat e vizitave për 2 muaj. E fikur derisa ta aktivizoni.